ଦେବଗଡ଼ ଏସଆଇଆର ତାଲିମ ଶିବିର ଅନୁଷ୍ଠିତ

ଦେବଗଡ଼:ନିର୍ବାଚନ ଆୟୋଗଙ୍କ ନିର୍ଦ୍ଦେଶ କ୍ରମେ ଦେବଗଡ଼ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବୁଥସ୍ତରୀୟ ଅଧିକାରୀ,ବିଏଲଓଓ ସୁପରଭାଇଜର ମାନଙ୍କୁ ଭୋଟର ତାଲିକା ସ୍ୱତନ୍ତ୍ର ସଂଘନ ସଂଶୋଧନ(ଏସଆଇଆର) ସଂପର୍କରେ ତାଲିମ ଶିବିର ଅନୁଷ୍ଠିତ ହୋଇଯାଇଛି। ଉକ୍ତ ତାଲିମ ଶିବିର ଗତକାଲି ଠାରୁ ଆରମ୍ଭ ହୋଇ ୨୮ ତାରିଖ ପର୍ଯ୍ୟନ୍ତ ଚାଲିବ। ଏଥିରେ ବୁଥସ୍ତରୀୟ ଅଧିକାରୀ, ବିଏଲଓ ଓ ସୁପରଭାଇଜର ମାନଙ୍କୁ ଭୋଟର ତାଲିକା ସ୍ୱତନ୍ତ୍ର ସଂଘନ ସଂଶୋଧନ(ଏସଆଇଆର) ପ୍ରତ୍ୟେକ ଯୋଗ୍ୟ ନିର୍ବାଚକ ଙ୍କ ନାମକୁ ଭୋଟର ତାଲିକା ରେ ଯୋଗ କରିବା ଏବଂ ଅଯୋଗ୍ୟ ନାମକୁ ଭୋଟର ତାଲିକାରୁ ବାଦ୍ ଦିଆଯିବ ସେ ସଂପର୍କରେ ତାଲିମ ଦିଆଯିବ। ଜିଲ୍ଲାର ତିନି ବ୍ଲକ୍ ସମେତ ପୌରାଚଂଳର ବିଦ୍ୟାଳୟରେ ପ୍ରଶିକ୍ଷଣ ଦିଆଯାଉଛି।ଏହି ତାଲିମ ଶିବିରରେ ବାରକୋଟ ବ୍ଲକରେ ବିଡିଓ ସୂର୍ଯ୍ୟକାନ୍ତ ବରିହା,ବାରକୋଟ ତହସିଲଦାର ରବୀନ୍ଦ୍ର ସାମଲ,ତିଲେଇବଣି ବ୍ଲକରେ ବିଡିଓ ପ୍ରିୟଦର୍ଶିନୀ ମିର୍ଦ୍ଧା, ଦେବଗଡ ତହସିଲଦାର କର୍ଣ୍ଣ ମଲିକ ଓ ରିଆମାଳ ବ୍ଲକରେ ବିଡିଓ ଆଦିତ୍ୟ ପଣ୍ଡା,ରିଆମାଳ ତହସିଲଦାର ବିଜୟ ଲକ୍ଷ୍ମୀ ନାୟକ, ଦେବଗଡ ପୌରାଚଂଳରେ ଭାରପ୍ରାପ୍ତ ପୌର ନିର୍ବାହୀ ଅଧିକାରୀ କଳିଙ୍ଗ ଆଶିଷ ଶତପଥି,ସହକାରୀ ଜିଲ୍ଲାପାଳ ସୁଶ୍ରୀ ରେଖା ମହନ୍ତ ପ୍ରଶିକ୍ଷଣ ଦେଉଛନ୍ତି। ଉପଜିଲ୍ଲାପାଳ ତଥା ନିର୍ବାଚନ ପଞ୍ଜୀକରଣ ଅଧିକାରି ପରିକ୍ଷିତ ସାହୁ ଓ ଜିଲ୍ଲା ନିର୍ବାଚନ କାର୍ଯ୍ୟାଳୟ ଡେପୁଟୀ କଲେକ୍ଟର (ନିର୍ବାଚନ) ଏଜଲିନ ବାରା ବ୍ଲକ୍ ଓ ପୌରାଞ୍ଚଳର ତାଲିମ କେନ୍ଦ୍ରକୁ ପରିଦର୍ଶନ କରି ବିଏଲଓ, ସୁପରଭାଇଜର ମାନଙ୍କୁ ଉତ୍ସାହିତ କରିଥିଲେ।