Garvita Odia
ଆଜି ଶୁଦ୍ଧି ହେବେ ଜିତୁ ମୁଣ୍ଡା। ମୃତ କାଲାରା ମୁଣ୍ଡା ଙ୍କ ସମାଧି ତିଆରି ହେବା ପରେ ଆଜି ଡିଆନାଳୀ ଗାଁରେ ଶୁଦ୍ଧି ହୋଇ ଭୋଜିଭାତ ପରେ ଜାତିରେ ମିଶିବେ ଜିତୁ ମୁଣ୍ଡା। କଙ୍କାଳକୁ ଛୁଇଁଲେ ବୋଲି ଜାତି ବନ୍ଧୁ ପର କରି ଦେବେ କହିବାରୁ ଶୁଦ୍ଧି ହେବେ ଜିତୁ ମୁଣ୍ଡା।
ସୂଚନା ଅନୁଯାୟୀ, ମୃତ ଭଉଣୀର କଙ୍କାଳ ବୋହିଥିବାରୁ ଜିତୁଙ୍କୁ ଜାତି ଭାଇମାନେ ସମାଜରୁ ବାଦ୍ ଦେଇଥିଲେ। ଜାତିରୁ ବାଦ୍ ପଡ଼ିଥିବା ଜିତୁଙ୍କୁ ଯଦି ସମାଜରେ ମିଶିବାକୁ ହେବ, ତେବେ ତାଙ୍କୁ ଶୁଦ୍ଧି ହେବାକୁ ପଡ଼ିବ ବୋଲି ଜାତି ଭାଇ ଜିଦ୍ ଧରିଥିଲେ।
ସେଥିପାଇଁ ଆଜି ନିଜ ଭଉଣୀଙ୍କ ଶବକୁ ପୋତିଥିବା ସ୍ଥାନରେ ସମାଧି ତିଆରି କରାଯିବ। ଏଥିସହ ପରମ୍ପରା ଅନୁସାରେ ବନ୍ଧୁବାନ୍ଧବଙ୍କ ଗହଣରେ ଜିତୁଙ୍କର ଶୁଦ୍ଧି ହେଉଛି। ଏଥିସହ ବନ୍ଧୁ ପରିଜନଙ୍କୁ ଜାତିରେ ମିଶିବା ପାଇଁ ଭୋଜିଭାତର ମଧ୍ୟ ଆୟୋଜନ କରାଯାଇଛି। ସମାଧି ସରିବା ଓ ଭୋଜିଭାତ ପରେ ଜିତୁ ମୁଣ୍ଡା ପୁଣି ନିଜ ଜାତି ଏବଂ ସମାଜରେ ସାମିଲ ହେବେ।
