Garvita Odia
ସରକାରଙ୍କୁ ବିଜେଡିର ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ଘେରିଥିବା ବେଳେ ଏହାର ଜବାବ ରଖିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ । ସେ କହିଛନ୍ତି, “ଯେଉଁମାନେ ବିଫଳତା ଦିବସ କଥା କହୁଛନ୍ତି ସେମାନଙ୍କୁ ପଚାରିବେ ଆମର କଣ କଣ ବିଫଳତା ଆଉ ସେମାନଙ୍କର 15 ବର୍ଷ ଭିତରେ କଣ କଣ ସଫଳତା । ଆମ ବିଫଳତା କୁହନ୍ତୁ ଗ୍ରହଣ କରିବୁ, କିନ୍ତୁ ତାଙ୍କ ସଫଳତା ମଧ୍ୟ କଣ 15 ବର୍ଷର ଗୋଟି ଗୋଟି କରି କହିବାକୁ ପଡ଼ିବ । ସେମାନେ ଉତ୍ତର ଦେବା ପରେ ନୈତିକତା ଦୃଷ୍ଟିରୁ ପ୍ରଶ୍ନ କରିବେ । ଆମେ ତ 2 ବର୍ଷରେ କଣ କଣ କରିଛୁ ତାର ଉତ୍ତର ଆସନ୍ତା 12 ତାରିଖରେ ଦେବୁ । ଆମେ 24 ଘଣ୍ଟା ହେଇନଥିଲା ସଂକଳ୍ପ ପତ୍ର ଅନୁସାରେ କାମ କରିଛୁ । 24 ଘଣ୍ଟାରେ କ୍ୟାବିନେଟ ଡାକି ଗୁରୁତ୍ୱପୂର୍ଣ୍ଣ ନିଷ୍ପତି ନେଇଛୁ । 10 ଟଙ୍କା ବି ଚାଷୀଙ୍କୁ ବୋନସ ଦେଇନଥିଲେ ସେମାନଙ୍କୁ ଆମେ 3100 ଟଙ୍କା କଲୁ । 4 ଥର ଧାନ କିଣି ସାରିଛୁ । ଆମେ ସୁଭଦ୍ରା କହିଲୁ ଦେଲୁ । ଆମେ ରତ୍ନଭଣ୍ଡାର ଖୋଲିଲୁ, ଚାରି ଦ୍ୱାର ଖୋଲିଛି । ଯାହା କହିଛୁ କରିଛୁ । ସେମାନେ ଇଞ୍ଚେ ଜମି ଜନସେଚନ କରିନାହାନ୍ତି । ଆମେ 15 ଲକ୍ଷ ହେକ୍ଟର ଜମି ଜଳସେଚନ ପାଇଁ କାମ ଆରମ୍ଭ କରିସାରିଛୁ । ଠିକ୍ ସମୟରେ ହୋଇନଥିବା କାମ କରାଯିବ ।”
ସେହିପରି ମନମୋହନ କହିଛନ୍ତି, ରାଇରଙ୍ଗପୁରରେ ରାଜ୍ୟର ଦୁଇ ଓ କେନ୍ଦ୍ରର 12 ବର୍ଷ ପୂର୍ତ୍ତକୁ ନେଇ ବକ୍ତବ୍ୟ ରଖିବେ ପ୍ରଧାନମନ୍ତ୍ରୀ l ପ୍ରଧାନମନ୍ତ୍ରୀ 20 ତାରିଖରେ ରାଇରଙ୍ଗପୁର ଆସିବେ l ପ୍ରଧାନମନ୍ତ୍ରୀ ଆସିବା ନେଇ ସହମତି ଦେଇଛନ୍ତି l ରାଜ୍ୟ ସରକାରଙ୍କ ଦୁଇ ବର୍ଷ ଓ କେନ୍ଦ୍ର ସରକାରଙ୍କ 12 ବର୍ଷ ପୂର୍ତ୍ତିକୁ ନେଇ ବକ୍ତବ୍ୟ ରଖିବେ ପ୍ରଧାନମନ୍ତ୍ରୀ l
