ଆସାମ : କିଏ କେତେ ଆସନରେ ଆଗୁଆ ?

ଗର୍ବିତ ଓଡ଼ିଆ : ଟିଭି ପରଦାରେ ଅନେକ ଫଳାଫଳ ମନଇଚ୍ଛା ଦର୍ଶାଯାଉଛି । ଏଭଳି କ୍ଷେତ୍ରରେ ନିର୍ବାଚନ କମିଶନଙ୍କ ତଥ୍ୟ ହିଁ ସଠିକ୍‌ । ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ, ଆସାମରେ ୧୨୬ ଆସନ ଥିବାବେଳେ ଏଯାବତ୍‌ ଗଣତି ଚାଲିଥିବା ଆସନ ମଧ୍ୟରୁ ବିଜେପି ୧୯, ବିଓପିଏଫ ୩, ଏଜିପି ୨, କଂଗ୍ରେସ ୨ ଓ ଏଏସଏମଜେଟିୱାଇପି ୧ ଆସନରେ ଆଗୁଆ ରହିଛି ।
ଆସାମରେ ପୁଣିଥରେ ହିମନ୍ତ ବିଶ୍ୱଶର୍ମା ସରକାର ଗଢ଼ିବାକୁ ଯାଉଛନ୍ତି । ଭଲ ଭୋଟ୍‌ ବ୍ୟବଧାନରେ ହିମନ୍ତ ବାଜିମାତ୍‌ କରିବା ନିଶ୍ଚିତ । ମମତାଙ୍କ ଗଡ଼ରେ ଶୁଭେନ୍ଦୁ ଅଧିକାରୀ କମାଲ୍‌ କରିଛନ୍ତି । ପଶ୍ଚିମବଙ୍ଗର ଭବାନୀପୁରରେ ମମତା ଏବେ ପ୍ରାରମ୍ଭିକ ରାଉଣ୍ଡ ଗଣତିରେ ପଛରେ ଅଛନ୍ତି । ଯାହାକି ମମତାଙ୍କୁ ଚିନ୍ତାରେ ପକାଇ ଦେଇଛି । ସେହିପରି ଟିଏମସିର ଗଡ଼ରେ ବି ବିଜେପିର ପ୍ରଦର୍ଶନ ମମତାଙ୍କ ମୁଣ୍ଡବ୍ୟଥା ବଢ଼ାଇ ଦେଇଛି ।
ଅପରପକ୍ଷରେ ତାମିଲନାଡୁରେ ବଡ଼ ହଲଚଲ ସୃଷ୍ଟିହୋଇଛି । ମୁଖ୍ୟମନ୍ତ୍ରୀ ଏମ କେ ଷ୍ଟାଲିନଙ୍କୁ ପଛରେ ପକାଇ ଦେଇଛନ୍ତି ସୁପରଷ୍ଟାର ବିଜୟ । ନିର୍ବାଚନ ପୂର୍ବରୁ ପ୍ରତିକୂଳ ସ୍ଥିତିର ସାମ୍ନା କରୁଥିଲେ ବିଜୟ । ହେଲେ ତାମିଲନାଡୁର ଲୋକେ ଟିଭିକେକୁ ପସନ୍ଦ କରିଛନ୍ତି । ପ୍ରାରମ୍ଭିକ ଗଣତି ବେଳେ ଟିଭିକେ ୭୫ ଆସନରେ ଆଗୁଆ ଥିବା ଜଣାପଡ଼ିଛି । ଯେତେବେଳେକି ଡିଏମକେ ୬୮ ଆସନରେ ଆଗୁଆ ରହିଛି ।