ବାଘ ଛାଲ ଜବତ ଘଟଣାରେ ୭ ଜଣଙ୍କୁ ଗିରଫ କଲେ ବନ ବିଭାଗ

ଭବାନୀପାଟଣା:ସୂଚନାଯୋଗ୍ୟ କଳାହାଣ୍ଡି ଦକ୍ଷିଣ ବନଖଣ୍ଡ ର କର୍ଲାପାଟ ଥାନା ଅନ୍ତର୍ଗତ ପାନଭଟା ଗାଁ ନିକଟରୁ ଗତ ୨୫ ତାରିଖ ଦିନ ୨ ଟି କଲରାପତରିଆ ବାଘ ଛାଲ ଏସଟିଏଫ ଏବଂ ବନ ବିଭାଗ ଦ୍ୱାରା ଜବତ ହୋଇଥିଲା। ଆଜି କଲରାପତରିଆ ବାଘ ଛାଲ ଜବତ ଘଟଣାରେ ବନ ବିଭାଗ ୭ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କ ନିକଟରୁ ବାଘ ନଖ, ଦାନ୍ତ, ମେରୁଦଣ୍ଡର ହାଡ଼ ଓ ଚମଡ଼ାର ଖଣ୍ଡ ମଧ୍ୟ ଜବତ ହୋଇଥିବା ବନ କର୍ମଚାରୀ ମାନେ ସୂଚନା ଦେଇଥିଲେ । ଏଥି ସହିତ ଗିରଫ ବ୍ୟକ୍ତି ଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ, ପ୍ରାୟ ୭ ଗ୍ରାମ ବନ୍ଧୁକ ବାରୁଦ, ୨୦୬ଟି ଗୁଳି, ଗୁଳି ସଫା କରିବା ରଡ୍‌, ଗୋଟିଏ ଧନୁ ଓ ଦୁଇଟି ତୀର ମଧ୍ୟ ବନ ବିଭାଗ ଜବତ କରିଥିବା ସୂଚନା ଦିଆଯାଇଥିଲା । ବାଘ ତଥା ଅନ୍ୟାନ୍ୟ ଜନ୍ତୁ ର ଅଙ୍ଗ ପ୍ରତ୍ୟଙ୍ଗ, ବନ୍ଧୁକ, ଧନୁତୀର ଆଦି ଜବତ ହୋଇଥିବା ବନ ବିଭାଗ ସୂଚନା ଦେଇଛି । ଏହି ଘଟଣାରେ ଜଣଙ୍କୁ ବନ ବିଭାଗ ଅଟକ ରଖିଥିବା ବେଳେ ଅନ୍ୟ ଜଣେ ଫେରାର ଥିବା କୁହାଯାଇଥିଲା । ପରେ ଅଟକ ବ୍ୟକ୍ତିର ସୂଚନା ଅନୁଯାୟୀ ବନ କର୍ମଚାରୀ ମାନେ କିଛିଦିନ ମଧ୍ୟରେ ଆଉ ୬ ଜଣଙ୍କୁ ଠାବ କରିଥିଲେ ।