ଦେବଗଡ ଓ ବାରକୋଟ ଥାନାରେ ଆମ ପୁଲିସ ସମିତିର ବୈଠକ

ଦେବଗଡ଼:ଦେବଗଡ ଥାନାରେ ଆମ ପୁଲିସ ସମିତିର ବୈଠକ ଅନୁଷ୍ଠିତ ହୋଇଯାଇଛି।ଏହି ବୈଠକରେ ଦେବଗଡ ଥାନା ଆଇଆଇସି ସବ୍ୟସାଚୀ ଶତପଥି ଯୋଗଦେଇ ପୁଲିସ ଓ ଜନ ସାଧାରଣଙ୍କ ମଧ୍ୟରେ ସୁସମ୍ପର୍କ ରହିଲେ ଅପରାଧିକ କାର୍ଯ୍ୟକଳାପ ରୋକାଯାଇ ପାରିବ ନିଜର ବକ୍ତବ୍ୟ ରଖିଥିଲେ। ଏଥିସହ ଆଂଚଳିକ ଅପରାଧ,ପୌରାଂଚଳରେ ଟ୍ରାଫିକ ସମସ୍ୟା,ସାଇବର ଅପରାଧ,ଡିଜିଟାଲ ଆରେଷ୍ଟ,ସଡକ ସୁରକ୍ଷା ସଂପର୍କରେ ବୈଠକରେ ଆଲୋଚନା କରାଯାଇଥିଲା। ବୈଠକରେ ଦେବଗଡ ଥାବାଂଚଳର ସମସ୍ତ ସୁନା ଦୋକାନୀ ଯୋଗ ଦେଇଥିବା ବେଳେ କୌଣସି ପ୍ରକାର ଅପରାଧ କିମ୍ବା ଅଘଟଣକୁ ଏଡାଇବା ନିମନ୍ତେ ଦୋକାନ ବାହାରେ ଓ ଭିତରେ ସିସି ଟି ଭି କ୍ୟାମେରା ଲଗାଇବା ପାଇଁ ପରାମର୍ଶ ଦେଇଥିଲେ। କାର୍ଯ୍ୟକ୍ରମ ପରିଚାଳନାରେ ଦେବଗଡ ଥାନାର ସମସ୍ତ କର୍ମଚାରୀ ସହଯୋଗ କରିଥିଲେ।ସେହିପରି ବାରକୋଟ ଥାନା ପୁଲିସ ପକ୍ଷରୁ ବମପରଡା ପଂଚାୟତ କାର୍ଯ୍ୟାଳୟରେ ଆମ ପୁଲିସ ସମିତିର ବୈଠକ ଅନୁଷ୍ଠିତ ହୋଇଯାଇଛି। ବାରକୋଟ ଥାନା ଆଇଆଇସି ସୁଶାନ୍ତ ବଢାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେସରପଂଚ ନମିତା ନାୟକ,ସମିତି ସଭ୍ୟା ବୈଜୟନ୍ତୀ ସାହୁ ,ବାରକୋଟ ଥାନା ସବଇନ୍ସପେକ୍ଟର ସନ୍ତୋଷ ଶତପଥି ଓ ବିରଞ୍ଚି ନାୟକ ମଂଚାସୀନ ରହି ଜନସାଧାରଣ-ପୁଲିସ ମଧ୍ୟରେ ସମନ୍ୱୟ ରକ୍ଷା କରି ଅଂଚଳରେ ଆଇନ ଶୃଙ୍ଖଳା ପରିସ୍ଥିତିରେ ସୁଧାର ହେବାସହ ଅପରାଧ ନିୟନ୍ତ୍ରଣ ହୋଇପାରିବ ସେ ସଂପର୍କରେ ଆଲୋକପାତ କରିଥିଲେ। ବୈଠକରେ ପଂଚାୟତର,ବରିଷ୍ଠ ନାଗରିକ, ସ୍ୱେଚ୍ଛାସେବୀ,ବୁଦ୍ଧିଜୀବି ଉପସ୍ଥିତ ଥିଲେ।