ନିଜ ବାହାଘର ରୋକିଲେ ନାବାଳିକା

କନ୍ଧମାଳ: ନିଜ ବାହାଘର ନିଜେ ରୋକିଲେ ନାବାଳିକା। କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଞ୍ଚଳର କଲେଜ ପଢ଼ୁଆ ନାବାଳିକା ନିଜ ବାହାଘରକୁ ନିଜେ ରୋକିବାରେ ସଫଳ ହୋଇଛନ୍ତି। ଫୁଲବାଣୀ CHILD HELPLINEର ସହାୟତା ନେଇ ନାବାଳିକା ବାହାଘରକୁ ରୋକିଛନ୍ତି ।

ନାବାଳିକା ଜଣକ CHILD HELPLINE ନମ୍ବର 1098 କୁ କଲ୍ କରିଥିଲେ ଓ ତାଙ୍କୁ ତାଙ୍କ ବାପା ମାଆ ଜଣେ ବୟସ୍କ ଲୋକ ସହିତ ବାହାଘର କରିବା ପାଇଁ ଚାହୁଁଥିବା କହିଥିଲେ। ଏହାକୁ ବିରୋଧ କରିବା ସହ ସାରଙ୍ଗଡ଼ ଥାନା ଅଞ୍ଚଳରେ ରହୁଥିବା ତାଙ୍କ ସମ୍ପର୍କୀୟ ମାଉସୀ ଘରକୁ ଯାଇଥିଲେ ଓ CHILD HELPLINE କୁ ଯୋଗାଯୋଗ କରିଥିଲେ ।

ତତକ୍ଷଣାତ CHILD HELPLINE ସଦସ୍ୟମାନେ ଏ ନେଇ ସାରଙ୍ଗଡ଼ ଥାନାକୁ ଜଣାଇବା ସହିତ ପୋଲିସ ସହାୟତାରେ ନାବାଳିକା ରହୁଥିବା ଘରକୁ ଯାଇ ପହଞ୍ଚିଥିଲେ ଏବଂ ନାବାଳିକାଙ୍କୁ ଉଦ୍ଧାର କରିଥିଲେ । ପରେ ତାଙ୍କୁ ସୁରକ୍ଷିତ ଭାବେ ଫୁଲବାଣୀ ସ୍ଥିତ ୱାନ ଷ୍ଟପ ସେଣ୍ଟରକୁ ନେଇ ରଖାଯାଇଛି ।