Garvita Odia
ଭୁବନେଶ୍ବର: ଆସନ୍ତା ୨୨ ତାରିଖ (ସୋମବାର) ଦିନ ଯୁକ୍ତ ତିନି ଅର୍ଥାତ୍ ସ୍ନାତକ ନାମଲେଖାର ପ୍ରଥମ ମେଧା ତାଲିକା ପ୍ରକାଶ ପାଇବ । ଏହି ତାଲିକାରେ ଥିବା ଛାତ୍ରଛାତ୍ରୀମାନେ ୨୩ ତାରିଖରୁ ୨୫ ତାରିଖ ମଧ୍ୟରେ ନାମ ଲେଖାଇବେ । ଚୟନ ହୋଇଥିବା ଛାତ୍ରଛାତ୍ରୀଙ୍କ ନାମଲେଖା ତଥ୍ୟ ଅପଡେଟ୍ ପରେ ବଳକା ସିଟ୍ରେ ନାମଲେଖା ପାଇଁ ଦ୍ୱିତୀୟ ମେଧା ତାଲିକା ଜୁଲାଇ ୨ ତାରିଖରେ ପ୍ରକାଶ ପାଇବ । ରାଜ୍ୟରେ ୧୦୫୩ଟି ଶିକ୍ଷାନୁଷ୍ଠାନରେ ନାମଲେଖା ହେବ । ଏଥିପାଇଁ ମୋଟ ୨ ଲକ୍ଷ ୮୭ ହଜାର ୩୨୭ଟି ସିଟ୍ ରହିଛି ।
ସମୁଦାୟ ୨ ଲକ୍ଷ ୩୭ ହଜାର ୨୦୦ ଜଣ ଆବେଦନ କରିଛନ୍ତି । ଏଥିରୁ ୨ଲକ୍ଷ ୨୪ ହଜାର ୨୦ ଜଣ ଛାତ୍ରଛାତ୍ରୀ ଅନ୍ଲାଇନ ଆବେଦନ ଫି ପ୍ରଦାନ କରିଛନ୍ତି । ଗତବର୍ଷ ଶିକ୍ଷାବର୍ଷରେ ୧୦୫୧ ଉଚ୍ଚ ଶିକ୍ଷାନୁଷ୍ଠାନରେ ନାମଲେଖା ପାଇଁ ମୋଟ୍ ୨ ଲକ୍ଷ ୭୬ ହଜାର ୩୪୫ଟି ସିଟ୍ ରହିଥିଲା । ଏବର୍ଷ ୧୦ ହଜାର ୧୦ ହଜାର ୩୭୦ଟି ସିଟ୍ ବୃଦ୍ଧି କରାଯାଇଛି ।
