Garvita Odia
ମମତାଙ୍କ ଗଡ଼ରେ ଶୁଭେନ୍ଦୁ ଅଧିକାରୀ କମାଲ୍ କରିଛନ୍ତି । ପଶ୍ଚିମବଙ୍ଗର ଭବାନୀପୁରରେ ମମତା ଏବେ ପ୍ରାରମ୍ଭିକ ରାଉଣ୍ଡ ଗଣତିରେ ପଛରେ ଅଛନ୍ତି । ଯାହାକି ମମତାଙ୍କୁ ଚିନ୍ତାରେ ପକାଇ ଦେଇଛି । ସେହିପରି ଟିଏମସିର ଗଡ଼ରେ ବି ବିଜେପିର ପ୍ରଦର୍ଶନ ମମତାଙ୍କ ମୁଣ୍ଡବ୍ୟଥା ବଢ଼ାଇ ଦେଇଛି ।
ଅପରପକ୍ଷରେ ତାମିଲନାଡୁରେ ବଡ଼ ହଲଚଲ ସୃଷ୍ଟିହୋଇଛି । ମୁଖ୍ୟମନ୍ତ୍ରୀ ଏମ କେ ଷ୍ଟାଲିନଙ୍କୁ ପଛରେ ପକାଇ ଦେଇଛନ୍ତି ସୁପରଷ୍ଟାର ବିଜୟ । ନିର୍ବାଚନ ପୂର୍ବରୁ ପ୍ରତିକୂଳ ସ୍ଥିତିର ସାମ୍ନା କରୁଥିଲେ ବିଜୟ । ହେଲେ ତାମିଲନାଡୁର ଲୋକେ ଟିଭିକେକୁ ପସନ୍ଦ କରିଛନ୍ତି । ପ୍ରାରମ୍ଭିକ ଗଣତି ବେଳେ ଟିଭିକେ ୭୫ ଆସନରେ ଆଗୁଆ ଥିବା ଜଣାପଡ଼ିଛି । ଯେତେବେଳେକି ଡିଏମକେ ୬୮ ଆସନରେ ଆଗୁଆ ରହିଛି ।
ସେହିପରି ପଶ୍ଚିମବଙ୍ଗରେ କଡ଼ା ଟକ୍କର ଲାଗିରହିଛି । ବିଜେପି ୧୧୮ ଓ ଟିଏମସି ୧୦୭ ଆସନରେ ଆଗେଇଛି । ସେହିପରି କେରଳରେ ଏଲଡ଼ିଏଫ ଓ ୟୁଡ଼ିଏଫ ମଧ୍ୟରେ ବି କଡ଼ା ଲଢେ଼ଇ ଦେଖିବାକୁ ମିଳିଛି ।
