Garvita Odia
କେନ୍ଦୁଝର : ହାତୀଦାନ୍ତ ବିକ୍ରୀ ବେଳେ ୪ ଗିରଫ। କେନ୍ଦୁଝର ବନବିଭାଗ ପକ୍ଷରୁ ଚଢାଉ କରି ୪ ଜଣଙ୍କୁ ଗିରଫ କରାଯାଇଛି। ତାଙ୍କ ନିକଟରୁ ୨ଟି ହାତୀଦାନ୍ତ, ୨ଟି ହାତୀର ହାଡ଼ ଏବଂ ୪ଟି ମୋବାଇଲ୍ ଫୋନ୍ ଜବତ ହୋଇଛି।
କେନ୍ଦୁଝର ଜିଲ୍ଲା ସଦର ରେଞ୍ଜ ପଳାଶପଙ୍ଗା ସେକ୍ସେନ୍ ଅମୃତପଡ଼ା ଗାଁରେ ଚଢ଼ାଉ କରି ହାତୀଦାନ୍ତ ବିକ୍ରୀ କରିବାକୁ ଚେଷ୍ଟା କରୁଥିବା ବେଳେ ଏମାନଙ୍କୁ ଗିରଫ କରାଯାଇଥିଲା।
ଗିରଫ ୪ଜଣ ହେଲେ, ସଦର ରେଞ୍ଜ ଅମୃତପଡ଼ା ଗାଁର ସୁନୀଲ ସୋରେନ୍, ବାମେବାରୀ ଥାନା ଜଗନ୍ନାଥପୁର ଗାଁର ଦଶରଥ ମାଝୀ, ବାଙ୍ଗିରିପୋଷି ଗୋପାଳପୁର ଗାଁର ଦୁର୍ଗା ହେମ୍ବ୍ରମ୍, ବିଷୋଇ ବୁଧୁନିଆ ଗାଁର ବାଡ଼େନ୍ କିସ୍କୁ। ପ୍ରାଥମିକ ତଦନ୍ତରୁ ଜବତ ହାତୀଦାନ୍ତ ୧୦ରୁ ୧୨ବର୍ଷ ପୁରୁଣା ଜଣାପଡୁଥିବା କହିଛନ୍ତି କେନ୍ଦୁଝର DFO।
