ବାତ୍ୟା ପ୍ରସ୍ତୁତି: ୯୧୦୦ ଗର୍ଭବତୀଙ୍କୁ ଚିହ୍ନଟ କରି ସ୍ଥାନାନ୍ତର କରାଯାଇଛି

ଭୁବନେଶ୍ଵର: ଓଡ଼ିଶା ମୁହାଁ ବାତ୍ୟା । ଗୋପାଳପୁରର ସାମାନ୍ୟ ଉତ୍ତରରେ ସ୍ଥଳଭାଗ ଛୁଇଁବ । ଲ୍ୟାଣ୍ଡଫଲ ବେଳେ ୯୦ରୁ ୧୦୦ କିମି ବେଗରେ ପବନ ବହିବ। ଝଟକା ପବନ ୧୧୦ କିମି ପର୍ଯ୍ୟନ୍ତ ଛୁଇଁପାରେ । ପରେ ପବନର ବେଗ ୭୦ରୁ ୮୦ କିମିକୁ ଖସିଯିବ । କିନ୍ତୁ ଓଡ଼ିଶାରେ ନିର୍ଧୂମ ବର୍ଷା ହେବ । କିଛି ସ୍ଥାନରେ ୨୦୦ରୁ ୩୦୦ ମିମି ଯାଏ ଢାଳିପାରେ । ବନ୍ୟା ଓ ଭୂସ୍ଖଳନ ଆଶଙ୍କା ରହିଛି । ବାତ୍ୟା ଅକଭାନ୍ ଘଣ୍ଟା ପ୍ରତି ୧୨କିମି ବେଗରେ ଆଗକୁ ବଢୁଛି । ୧୯ ଓ ୨୦ରେ ଦକ୍ଷିଣ ଓ ଉପକୂଳବର୍ତ୍ତୀ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ହୋଇପାରେ । ଆସନ୍ତାକାଲି ମଧ୍ୟାହ୍ନରେ ଲ୍ୟାଣ୍ଡଫଲ ପରେ ବାତ୍ୟା ତୀବ୍ର ଗତିରେ ଦୁର୍ବଳ ହୋଇଯିବ । ପବନର ବେଗ ୭୦ରୁ ୮୦ କିମିକୁ ଖସିବ । ସନ୍ଧ୍ୟା ବେଳକୁ ୬୦ରୁ ୭୦ କିଲୋମିଟରକୁ କମି ଯାଇଥିବ । ରାଜ୍ୟ ସରକାର ସ୍ଥିତି ମୁକାବିଲା ପାଇଁ ପ୍ରସ୍ତୁତି ଜୋରଦାର କରିଛନ୍ତି । ୧୧ ଜିଲ୍ଲା ଆଲର୍ଟରେ ରହିଛି । ରେଡ୍ ୱାର୍ଣ୍ଣିଂ ମିଳିଥିବା ଜିଲ୍ଲାରୁ ୭୨ ହଜାର ଲୋକଙ୍କୁ ସ୍ଥାନାନ୍ତର କରାଯାଇଛି ।
ବାତ୍ୟା ପ୍ରସ୍ତୁତିକୁ ନେଇ ମୁଖ୍ୟ ଶାସନ ସଚିବ ପ୍ରତିକ୍ରିୟା ଦେଇଛନ୍ତି । ଅନୁ ଗର୍ଗ କହିଛନ୍ତି ଯେ, ୯୧୦୦ ଗର୍ଭବତୀ ମହିଳାଙ୍କୁ ଚିହ୍ନଟ କରି ସ୍ଥାନାନ୍ତର କରାଯାଇଛି । ଭୂସ୍ଖଳନ ପ୍ରବଣ ଅଂଚଳକୁ ଲୋକଙ୍କୁ ବର୍ତ୍ତମାନ ସ୍ଥାନାନ୍ତର କରାଯାଉଛି । ୫୬ ସେଲ୍ ,୧୯୦ ଡିଜି ସେଟ୍ ଦିଆଯାଇଛି । କୋଷ୍ଟ ଗାର୍ଡ ସହ ଯୋଗାଯୋଗରେ ଅଛୁ । ପର୍ଯ୍ୟଟନସ୍ଥଳକୁ ନଯିବାକୁ ଅନୁରୋଧ କରୁଛୁ । ଆବଶ୍ୟକୀୟ ଜାଗାରେ ଛୁଟି ଦେବାକୁ ଜିଲ୍ଲାପାଳଙ୍କ ହାତରେ କ୍ଷମତା ଦିଆଯାଇଛି । ଡ୍ୟାମରେ ଥିବା ପାଣିକୁ କଢ଼ାଯାଉଛି। ଡ୍ୟାମ ଗୁଡ଼ିକୁ ମନିଟରିଙ୍ଗ କରାଯାଉଛି । ଆବଶ୍ୟକୀୟ ଔଷଧ ଓ ସାପ କାମୁଡ଼ା ଇଞ୍ଜେକ୍ସନ ଦିଆଯାଇଛି । ରେଳ ବିଭାଗ ତରଫରୁ କୋର୍ଡିନେସନ ସେଲ୍ କରାଯାଇଛି । ଦୁଇଟି ଟ୍ରେନ୍ ବାତିଲ ହୋଇଛି ଓ ଅନେକ ଟ୍ରେନ୍ ର ସମୟ ପରିବର୍ତ୍ତନ କରାଯାଇଛି । ମୋଟ ୮ ଜଣ ବରିଷ୍ଠ ଅଧିକାରୀଙ୍କୁ ଜିଲ୍ଲାକୁ ପଠାଯାଇଛି । ପୂର୍ବରୁ ୭ ଜଣ ବରିଷ୍ଠ ଅଧିକାରୀ ଦାୟିତ୍ୱରେ ଥିଲେ ଏବେ ଆଉ ଜଣଙ୍କୁ ମୟୂରଭଞ୍ଜ ଜିଲ୍ଲାକୁ ପଠାଯାଇଛି । ପରିସ୍ଥିତି ଦେଖି ସ୍ଥାନାନ୍ତରଣ ବଢ଼ାଇବାକୁ ଚେଷ୍ଟା କରାଯିବ । କନ୍ଧମାଳରେ ୩୩୦୦, ଗଜପତିରେ ୧୬୦୦୦ ଲୋକଙ୍କୁ ସ୍ଥାନାନ୍ତର କରାଯାଉଛି । କୌଣସି ଗୋଟିଏ ସ୍ଥାନ ବଦଳରେ ଆମେ ସବୁ ଜିଲ୍ଲା ପାଇଁ ପ୍ରସ୍ତୁତ ରହିଛୁ । ରେଡ୍ ଆଲର୍ଟ ଥିବା ଜିଲ୍ଲା ଓ ଅରେଞ୍ଜ ଆଲର୍ଟରେ ଥିବା ଜିଲ୍ଲାକୁ ଫୋକସରେ ରଖାଯାଇଛି । ଏହା ସହ ରେଡ୍ ଓ ଅରେଞ୍ଜ ଆଲର୍ଟ ସହ ବର୍ଡରରେ ଥିବା ଜିଲ୍ଲାପାଳଙ୍କୁ ସତର୍କ ରହିବାକୁ କୁହାଯାଇଛି ।

  • Related Posts

    ବର୍ଷାର ପ୍ରକୋପ: ୬ ଜିଲ୍ଲାକୁ ରେଡ୍‌ ଆଲର୍ଟ

    ଭୁବନେଶ୍ୱର: ବାତ୍ୟା ‘ଅକଭାନ୍‌’ ପ୍ରଭାବରେ ଓଡ଼ିଶାରେ ବର୍ଷାର ପ୍ରକୋପ ବଢ଼ିବାକୁ ଯାଉଛି। ଉପକୂଳ ନିକଟତର ହେଉଥିବା ବାତ୍ୟା ପ୍ରଭାବରେ ରାଜ୍ୟର ବିଭିନ୍ନ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବା ଆଶଙ୍କା ରହିଛି। ଏନେଇ ଭାରତୀୟ ପାଣିପାଗ ବିଭାଗ (ଓଗଊ) ପକ୍ଷରୁ…

    Continue reading
    ବାତ୍ୟା ମୁକାବିଲା: ୩୮୮ ଅଗ୍ନିଶମ ଟିମ୍‌ ପ୍ରସ୍ତୁତ

    ଭୁବନେଶ୍ୱର:ବାତ୍ୟା ମୁକାବିଲା ପାଇଁ ଅଗ୍ନିଶମ ବିଭାଗର ବ୍ୟାପକ ପ୍ରସ୍ତୁତି । ଉଦ୍ଧାର କାର୍ୟ୍ୟକୁ ଅଧିକ ଗୁରୁତ୍ୱ ଦେଇ ପ୍ରସ୍ତୁତ ରହିଛନ୍ତି ଅଗ୍ନିଶମ ବାହିନୀ । ବର୍ଷା ଲାଗି ରହିଥିବାରୁ ସବୁ ଅଞ୍ଚଳରେ ଟିମ୍‌ଗୁଡ଼ିକୁ ସଜାଗ ରଖାଯାଇଛି । ଜୀବନ ବଞ୍ଚାଇବାକୁ ହେଲେ…

    Continue reading

    Leave a Reply

    Your email address will not be published. Required fields are marked *

    You Missed

    ଆଜି ବିଶ୍ୱ ମଧୁମେହ ଦିବସ, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ

    ଆଜି ବିଶ୍ୱ ମଧୁମେହ ଦିବସ, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ

    ଯେତେ ଖାଇଲେ ବି ଓଜନ ବଢୁନି? ଡାଏଟ୍‌ରେ ଯୋଡନ୍ତୁ ଏହି ଖାଦ୍ୟ, ମାସକରେ ବଢିବ ୫ କେଜି

    ଯେତେ ଖାଇଲେ ବି ଓଜନ ବଢୁନି? ଡାଏଟ୍‌ରେ ଯୋଡନ୍ତୁ ଏହି ଖାଦ୍ୟ, ମାସକରେ ବଢିବ ୫ କେଜି

    ଶୀତରେ ପିଲାଙ୍କୁ ଗାଧୋଇଦେବାକୁ ଡରୁଛନ୍ତି କି? ଜାଣନ୍ତୁ ଶିଶୁ ବିଶେଷଜ୍ଞଙ୍କ ୩ ଜରୁରୀ ଟିପ୍ସ

    ଶୀତରେ ପିଲାଙ୍କୁ ଗାଧୋଇଦେବାକୁ ଡରୁଛନ୍ତି କି? ଜାଣନ୍ତୁ ଶିଶୁ ବିଶେଷଜ୍ଞଙ୍କ ୩ ଜରୁରୀ ଟିପ୍ସ

    ଜନତା ମଇଦାନରେ ଅନ୍ତର୍ଜାତୀୟ ବାଣିଜ୍ୟ ମେଳା-୨୦୨୬

    ଆପଣ ବି ଡେରି ରାତିରେ ଖାଉଛନ୍ତି କି… ସାବଧାନ! ଆପଣ ହେବେ ଷ୍ଟ୍ରୋକର ଶିକାର!

    ଆପଣ ବି ଡେରି ରାତିରେ ଖାଉଛନ୍ତି କି… ସାବଧାନ! ଆପଣ ହେବେ ଷ୍ଟ୍ରୋକର ଶିକାର!

    କମଳା ଚୋପାରୁ ଡ୍ରେସ୍‌ !