ମାଲକାନଗିରି ପାଖ ଦେଇ ଯିବ ବାତ୍ୟା

ଭୁବନେଶ୍ୱର: ବଦଳୁଛି ବାତ୍ୟା ଗତିପଥ । ଓଡ଼ିଶା ଦେଇ ସ୍ଥଳଭାଗ ଛୁଇଁବ ବାତ୍ୟା । ବଢିଲା ଭୟ । ନୂଆ ଟ୍ରାକ ଅନୁସାରେ ଓଡ଼ିଶା ଦେଇ ଯିବ ବାତ୍ୟା ଅକଭାନ । ଲ୍ୟାଣ୍ଡଫଲ ପରେ ମାଲକାନଗିରି ଭିତରେ ଦେଇ ଆଗକୁ ଯିବ । ଆଇଏମଡି ଜାରି କରିଥିବା ନୂଆ ଟ୍ରାକରୁ ଏହା ସ୍ପଷ୍ଟ ହୋଇଛି । ଦକ୍ଷିଣ ଓଡ଼ିଶା ଦେଇଯିବ ବୋଲି ଏକପ୍ରକାର ସ୍ପଷ୍ଟ ହୋଇଛି । ମାଲକାନଗିରି ଦେଇ ଯିବା ବେଳେ ଅକଭାନ ତୀବ୍ରତା ବାତ୍ୟା ଥିବ । ବାତ୍ୟା ପରିଧିରେ ମାଲକାନଗିରି ସହ ଆଉ ୩ ଜିଲ୍ଲା ବି ରହୁଛି । କୋରାପୁଟ, ନବରଙ୍ଗପୁର, ନୂଆପଡ଼ା ବି ବାତ୍ୟା ପରିଧିରେ ଆସୁଛି । ପୂର୍ବରୁ ଜାରି ଟ୍ରାକରେ ଯିବା ବେଳେ ଅବପାତ ହୋଇ ଯିବାର ଥିଲା । ଏବେର ନୂଆ ଟ୍ରାକ୍‌ରେ ଅବପାତ ନୁହେଁ, ବାତ୍ୟା ରୂପ ନେଇ ଯିବ ।
ବାତ୍ୟାର ଗତି ଏବେ ଅତି ମନ୍ଥର ରହିଛି । ଘଣ୍ଟାପ୍ରତି ଗତି ମାତ୍ର ୩ କିଲୋମିଟର ରହିଛି । ଗତ ୬ ଘଣ୍ଟାରେ ଘଣ୍ଟା ପ୍ରତି ୩ କିମି ବେଗରେ ଆଗକୁ ବଢ଼ୁଛି ।ଆନ୍ଧ୍ରରେ ଭୀଷଣ ପ୍ରଭାବ ପକାଇବ ବାତ୍ୟା ‘ଅକଭାନ୍’ । ୧୨୦ରୁ ୧୩୦ କିମି ବେଗରେ ପବନ ବହିବ । ବହୁ କ୍ଷୟକ୍ଷତି କରିବ । ଓଡ଼ିଶାରେ ବାତ୍ୟା ସେଭଳି ପ୍ରଭାବ ପକାଇବନି ସତ, କିନ୍ତୁ ମାଲକାନଗିରି ସୀମାନ୍ତ ମୋଟୁ ଦେଇ ଯିବ । ବିଶାଖପାଟଣା ପାଖରେ ଲ୍ୟାଣ୍ଡଫଲ୍‌ ସମୟରେ ମାଲକାନଗିରିରେ ୭୦ କିମି ବେଗରେ ପବନ ବହୁଥିବ । ପୂରା ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ଢାଳିବ । ଭାରତୀୟ ପାଣିପାଗ ବିଭାଗ(ଆଇଏମ୍‌ଡି) ବାତ୍ୟା ‘ଅକଭାନ୍’ର ସମ୍ଭାବ୍ୟ ଗତିପଥ ଓ ତୀବ୍ରତାକୁ ନେଇ ଏଭଳି ଆକଳନ କରିଛି ।

ଆକଳନ ଅନୁସାରେ, ବାତ୍ୟା ଓଡ଼ିଶାରେ ପହଞ୍ଚିବା ବେଳକୁ ଏହା ଦୁର୍ବଳ ହୋଇ ତୀବ୍ର ଅବପାତ ରୂପରେ ଥିବ । କିନ୍ତୁ ବାତ୍ୟାର କେନ୍ଦ୍ରୀୟ ବଳୟ ମାଲକାନଗିରି ଉପର ଦେଇଯିବ । ବାତ୍ୟାର ସମ୍ପୂର୍ଣ୍ଣ ବାହ୍ୟବଳୟ ଦକ୍ଷିଣ ଓଡ଼ିଶାର ଅନେକ ଜିଲ୍ଲା ଉପର ଦେଇ ଅତିକ୍ରମ କରିବ । ଲ୍ୟାଣ୍ଡଫଲ୍‌ ପରେ ଓଡ଼ିଶାରେ ପବନ କମିଯିବ । ୫୦ରୁ ୬୦ କିମି ବେଗରେ ପବନ ବହିପାରେ । ଦକ୍ଷିଣ ଓଡ଼ିଶାରେ ପ୍ରବଳରୁ ଅତିପ୍ରବଳ ବର୍ଷା ହୋଇପାରେ । ପଶ୍ଚିମ ଓଡ଼ିଶାର କିଛି ସ୍ଥାନରେ ପ୍ରବଳ ବର୍ଷିବ । ଲଗାଣ ବର୍ଷା ଯୋଗୁ ଭୂସ୍ଖଳନ ଆଶଙ୍କାକୁ ଏଡାଇ ଦେଇ ହେବନାହିଁ । ତଳିଆ ଅଞ୍ଚଳରେ ବନ୍ୟା ସ୍ଥିତି ସୃଷ୍ଟି ହୋଇପାରେ ବୋଲି ସତର୍କ ସୂଚନା ଜାରି କରାଯାଇଛି ।
ଭାରତୀୟ ପାଣିପାଗ ବିଭାଗ ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି, ୧୯ ତାରିଖ ରାତିରୁ ୨୦ ତାରିଖ ଲ୍ୟାଣ୍ଡ୍ଫଲ ପର୍ଯ୍ୟନ୍ତ ପବନର ବେଗ ୧୨୦ରୁ ୧୩୦ କିମି ରହିବ । ଝଟ୍‌କା ପବନ ୧୪୫ କିମି ଛୁଇଁବ । ୨୦ ତାରିଖ ମଧ୍ୟାହ୍ନରେ ଏହା ନେଲୋର ଓ ବିଶାଖପାଟଣା ପାଖ ଟୁନି ଭିତରେ ସ୍ଥଳଭାଗ ଅତିକ୍ରମ କରିବ । ବୁଧବାରଠାରୁ ବର୍ଷା ଆରମ୍ଭ ହୋଇଯିବ । ଗଜପତି, ଗଞ୍ଜାମ ଓ ପୁରୀରେ ଭାରୀ ବର୍ଷା ହୋଇପାରେ । ଉତ୍ତର, ଉପକୂଳ ଓ ଦକ୍ଷିଣ ଓଡ଼ିଶାରେ ସ୍ୱଳ୍ପ ବର୍ଷା ହୋଇପାରେ ।
ଗୁରୁବାର(୧୯ ତାରିଖ) କେନ୍ଦ୍ରାପଡ଼ା, ଜଗତସିଂହପୁର, ଗଜପତି, ଗଞ୍ଜାମ ଓ ପୁରୀରେ ପ୍ରବଳରୁ ଅତିପ୍ରବଳ ବର୍ଷା ହୋଇପାରେ । ବାଲେଶ୍ୱର, ଭଦ୍ରକ, ଯାଜପୁର, କଟକ, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ବୌଦ୍ଧ, କନ୍ଧମାଳ, ରାୟଗଡ଼ା, କୋରାପୁଟ, ମାଲକାନଗିରି, ଖୋର୍ଦ୍ଧା ଓ ନୟାଗଡ଼ରେ ପ୍ରବଳ ବର୍ଷା ଆଶଙ୍କା ଅଛି । ଉତ୍ତର ଓଡ଼ିଶା ଓ ଉପକୂଳ ଓଡ଼ିଶାର ଅନେକ ସ୍ଥାନରେ ବର୍ଷା ହୋଇପାରେ । ୨୦ ତାରିଖ ଦକ୍ଷିଣ ଓଡ଼ିଶାରେ ପ୍ରବଳ ଢାଳିବ । ଉତ୍ତର ଓଡ଼ିଶା ଓ ଉପକୂଳ ଓଡ଼ିଶାରେ ଭାରୀ ବର୍ଷା ହୋଇପାରେ । ୨୧ ତାରିଖରେ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ନୂଆପଡ଼ା, ନବରଙ୍ଗପୁର ଓ କୋରାପୁଟରେ ପ୍ରବଳ ବର୍ଷା ଆଶଙ୍କା ଅଛି । ଉତ୍ତର ଓଡ଼ିଶାର ଏକାଧିକ ସ୍ଥାନରେ ପ୍ରବଳ ବର୍ଷା ହୋଇପାରେ ।

  • Related Posts

    ୨୪ ହଜାର ୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ବିଧାନସଭାରେ ଉପସ୍ଥାପିତ

    ଭୁବନେଶ୍ବର: ୨୦୨୬-୨୭ ଆର୍ଥିକ ବର୍ଷ ପାଇଁ ବିଧାନସଭାରେ ଆସିଛି ଅତିରିକ୍ତ ବଜେଟ୍। ବୁଧବାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୨୪ ହଜାର ୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ବିଧାନସଭାରେ ଉପସ୍ଥାପିତ କରିଛନ୍ତି। ଅତିରିକ୍ତ ବଜେଟରେ କୃଷି ଓ କୃଷକଙ୍କ କଲ୍ୟାଣ…

    Continue reading
    ବାତ୍ୟା ‘ଅର୍ଣ୍ଣବ’ କ୍ଷୟକ୍ଷତି ଓ ପୁନରୁଦ୍ଧାର କାର୍ଯ୍ୟର ସମୀକ୍ଷା କଲେ ଦକ୍ଷିଣାଞ୍ଚଳ ଆର୍‌ଡିସି

    ଇନ୍ଦ୍ରଗଡ଼ ପଞ୍ଚାୟତ ପରିଦର୍ଶନ କରି ସ୍ଥିତି ଅନୁଧ୍ୟାନ ରାଇକିଆ: କନ୍ଧମାଳ ଜିଲ୍ଲାର ରାଇକିଆ ବ୍ଲକରେ ବାତ୍ୟା ‘ଅର୍ଣ୍ଣବ’ ଯୋଗୁଁ ଘଟିଥିବା ବ୍ୟାପକ କ୍ଷୟକ୍ଷତି ଏବଂ ବାତ୍ୟା ପରବର୍ତ୍ତୀ ପୁନରୁଦ୍ଧାର କାର୍ଯ୍ୟର ଅଗ୍ରଗତି ସହ ଆଗାମୀ ବାତ୍ୟା ଆକଭନ ର ପ୍ରସ୍ତୁତ ସମ୍ପର୍କରେ…

    Continue reading

    Leave a Reply

    Your email address will not be published. Required fields are marked *

    You Missed

    ଆଜି ବିଶ୍ୱ ମଧୁମେହ ଦିବସ, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ

    ଆଜି ବିଶ୍ୱ ମଧୁମେହ ଦିବସ, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ

    ଯେତେ ଖାଇଲେ ବି ଓଜନ ବଢୁନି? ଡାଏଟ୍‌ରେ ଯୋଡନ୍ତୁ ଏହି ଖାଦ୍ୟ, ମାସକରେ ବଢିବ ୫ କେଜି

    ଯେତେ ଖାଇଲେ ବି ଓଜନ ବଢୁନି? ଡାଏଟ୍‌ରେ ଯୋଡନ୍ତୁ ଏହି ଖାଦ୍ୟ, ମାସକରେ ବଢିବ ୫ କେଜି

    ଶୀତରେ ପିଲାଙ୍କୁ ଗାଧୋଇଦେବାକୁ ଡରୁଛନ୍ତି କି? ଜାଣନ୍ତୁ ଶିଶୁ ବିଶେଷଜ୍ଞଙ୍କ ୩ ଜରୁରୀ ଟିପ୍ସ

    ଶୀତରେ ପିଲାଙ୍କୁ ଗାଧୋଇଦେବାକୁ ଡରୁଛନ୍ତି କି? ଜାଣନ୍ତୁ ଶିଶୁ ବିଶେଷଜ୍ଞଙ୍କ ୩ ଜରୁରୀ ଟିପ୍ସ

    ଜନତା ମଇଦାନରେ ଅନ୍ତର୍ଜାତୀୟ ବାଣିଜ୍ୟ ମେଳା-୨୦୨୬

    ଆପଣ ବି ଡେରି ରାତିରେ ଖାଉଛନ୍ତି କି… ସାବଧାନ! ଆପଣ ହେବେ ଷ୍ଟ୍ରୋକର ଶିକାର!

    ଆପଣ ବି ଡେରି ରାତିରେ ଖାଉଛନ୍ତି କି… ସାବଧାନ! ଆପଣ ହେବେ ଷ୍ଟ୍ରୋକର ଶିକାର!

    କମଳା ଚୋପାରୁ ଡ୍ରେସ୍‌ !