ମହାନଦୀରେ ବୁଡି ୨ ଯୁବକ ମୃତ

ଆଠଗଡ : ମହାନଦୀରେ ଗାଧୋଇବାବେଳେ ଅଘଟଣ। ପାଣିରେ ବୁଡିଯାଇ ୨ ଯୁବକଙ୍କ ମୃତ୍ୟୁ ଘଟିଛି। ଆଠଗଡ ଥାନା କନ୍ଦରପୁର ଗାଁ ପାଖ ମହାନଦୀ ମଧ୍ୟରେ ଥିବା ଅମଙ୍ଗେଇ କୁଦ ନିକଟରେ ଏହି ଅଘଟଣ ଘଟିଛି। ମୃତ ଯୁବକ ୨ ଜଣ ହେଲେ କନ୍ଦରପୁର ଅଞ୍ଚଳର ଚିନ୍ମୟ ଦାସ (୨୦) ଓ ଆଠଗଡ଼ ଶାସନ ସାହିର ସଂକଳ୍ପ ମିଶ୍ର (୧୯)।

କନ୍ଦରପୁର ଗାଁ ପାଖ ମହାନଦୀ ମଧ୍ୟରେ ଥିବା ଅମଙ୍ଗେଇ କୁଦକୁ ୬ ଜଣ ଯୁବକ ଗାଧୋଇବାକୁ ଯାଇଥିଲେ। ୨ ଜଣ ଯୁବକ ପାଣିରେ ବୁଡି ଯାଇଥିଲେ। ଗୁରୁତର ଅବସ୍ଥାରେ ସେମାନଙ୍କୁ ଉଦ୍ଧାର କରାଯାଇ ଆଠଗଡ଼ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।