
ଦେବଗଡ:ତମାଖୁମୁକ୍ତ ଯୁବ ଅଭିଯାନ ୪.୦ ପାଇଁ ଆଜି ଦେବଗଡ ଜିଲ୍ଲାର ବାରକୋଟ ବ୍ଲକର ପୁରୁଣାପାଣି ତଥା ବାରକୋଟର ବିଭିନ୍ନ ଅଞ୍ଚଳରେ କୋଟ୍ପା (COTPA) ଆଇନର ଅନୁପାଳନ ସମ୍ପର୍କରେଏକ ମିଳିତ ଏନଫୋର୍ସମେଣ୍ଟ ଟିମ ୧୨ଟି ତମାଖୁ ଦୋକାନରେ ଚଢଉ କରି ଯାଂଚ କରାଯାଇଥିଲା।ଏହାସହିତ ତମାଖୁ ଦ୍ରବ୍ୟ ଜବତ କରାଯିବା ସହ କିଛି ଦୋକାନୀଙ୍କୁ ଫାଇନ ମଧ୍ୟ କରାଯାଇଥିବା ଜଣାପଡିଛି। ଉକ୍ତ ଚଢଉରେ ବାରକୋଟ ଅତିରିକ୍ତ ତହସିଲଦାର ଶିବବ୍ରତ ନାୟକ,ଡ୍ରଗ୍ସ ଇନ୍ସପେକ୍ଟର ସସ୍ମିତା ଦେହୁରୀ,ଖାଦ୍ୟ ସୁରକ୍ଷା ଅଧିକାରୀ ସନ୍ଦୀପ ସୌରଭ,ପୁଲିସ ଏଏସଆଇ ବିଜୟ ସୁନା ଏବଂ ସହକାରୀ ପ୍ରବନ୍ଧକ (ଏନସିଡି) ଅମିୟ ସାହୁ ଉପସ୍ଥିତ ଥିଲେ। ଏହାପରେ ଏହି ଅଭିଯାନ ପାଇଁ ବିଭିନ୍ନ ଦୋକାନ ଓ ସାର୍ବଜନୀନ ସ୍ଥାନରେ ତମାଖୁ ନିୟନ୍ତ୍ରଣ ଆଇନର ସଂପର୍କରେ ସଚେତନ କରାଯାଇଥିଲା।ଏଥିସହିତ ତମାଖୁ ସେବନ ଓ ଏହାର ବିକ୍ରୟ ଦ୍ୱାରା ସୃଷ୍ଟି ହେଉଥିବା ସ୍ୱାସ୍ଥ୍ୟଗତ କ୍ଷତି ବିଷୟରେ ସଚେତନତା ସୃଷ୍ଟି କରିବା ନିମନ୍ତେ ସ୍ଥାନୀୟ ଜନସାଧାରଣ ଓ ଦୋକାନ ମାଲିକମାନଙ୍କ ମଧ୍ୟରେ ସଚେତନତାମୂଳକ ଲିଫ୍ଲେଟ୍ ବଣ୍ଟନ କରାଯାଇଥିଲା।






