Garvita Odia
ମାଲକାନଗିରି: ମାଲକାନଗିରି ଜିଲ୍ଲା ମାଥିଲି ବ୍ଳକ ନାୟକଗୁଡ଼ାରେ ଭୂସ୍ଖଳନ । ଲଗାଣ ବର୍ଷାରେ ଧସିଲା ପାହାଡ଼ । ଅଳ୍ପକେ ବର୍ତ୍ତିଗଲେ ପୁରିଗୁଡ଼ା ଗ୍ରାମର ଲୋକେ । ବର୍ଷା ପରେ ପାହାଡ଼ରୁ ଦୁଇଟି ବଡ ବଡ ପଥର ଖସିଥିବା ଜଣାପଡ଼ିଛି ।
ସୂଚନା ଅନୁୟାୟୀ, ପୁରିଗୁଡ଼ା ଗାଁର କିଛି ଲୋକ ପାହାଡ଼କୁ ଜାଳେଣି ସଂଗ୍ରହ ପାଇଁ ଯାଇଥିବା ବେଳେ ପ୍ରାୟ ଶହେ ଫୁଟ ଉଚ୍ଚରୁ ଦୁଇଟି ବଡ଼ ବଡ଼ ପଥର ଖସିଥିଲା । ଏହି ପଥର ଖଣ୍ଡ ପରସ୍ପର ମଧ୍ୟରେ ଧକ୍କା ହୋଇ ପ୍ରଚଣ୍ଡ ଶବ୍ଦ ସୃଶ୍ଟି କରିଥିଲା । ଫଳରେ ସ୍ଥାନୀୟ ଅଞ୍ଚଳ ଏକ ପ୍ରକାର ଧୁଆଁମୟ ହୋଇଯାଇଥିଲା । ଲୋକମାନେ ପ୍ରଚଣ୍ଡ ଶବ୍ଦ ଶୁଣି ଦୌଡ଼ି ପଳାଇଥିଲେ । ତେବେ ଏକ ବଡ଼ ଧରଣର ଅଘଟଣରୁ ବର୍ତ୍ତି ଯାଇଛନ୍ତି ଗାଁ ଲୋକେ । ଏହି ଅଞ୍ଚଳରେ ଆହୁରି ଅନେକ ସ୍ଥାନରେ ମାଟି ଅତଡ଼ା ଖସିବାର ମଧ୍ୟ ଆଶଙ୍କା ରହିଛି । ଯାହାକୁ ନେଇ ଲୋକେ ଭୟଭୀତ ଅବସ୍ଥାରେ ରହିଛନ୍ତି ।
