Garvita Odia
ବାଲିଗୁଡ଼ା : ବାଲିଗୁଡ଼ା ରାଜନୀତିରେ ଏକ ବଡ଼ ଘଟଣା ଘଟିଛି । ବିଜୁ ଜନତା ଦଳ (ବିଜେଡି) ପକ୍ଷରୁ ଦଳ ବିରୋଧୀ କାର୍ଯ୍ୟକଳାପ ଅଭିଯୋଗରେ ଦୁଇ ଜଣ ପ୍ରମୁଖ ନେତାଙ୍କୁ ଦଳରୁ ନିଲମ୍ବନ କରାଯାଇଛି । ସୂଚନା ଅନୁସାରେ, ଟୁନା ଦାସ ଓ ପ୍ରମୋଦ ସାହୁଙ୍କୁ ଦଳୀୟ ଶୃଙ୍ଖଳାଭଙ୍ଗ ଓ ବିରୋଧୀ କାର୍ଯ୍ୟରେ ଲିପ୍ତ ଥିବା ଅଭିଯୋଗରେ ଏହି କଠୋର ପଦକ୍ଷେପ ଗ୍ରହଣ କରାଯାଇଛି । ଦଳୀୟ ଶିଷ୍ଟାଚାର ଭଙ୍ଗ ଓ ନିର୍ଦ୍ଦେଶକୁ ଅନୁସରଣ ନ କରିବାକୁ ନେଇ ଦଳ ତରଫରୁ ଏହି ନିଲମ୍ବନ ଘୋଷଣା ହୋଇଛି । ଏହି ଘଟଣା ପରେ ବାଲିଗୁଡ଼ା ରାଜନୀତିରେ ହଟଚମଟ ସୃଷ୍ଟି ହୋଇଛି । ସ୍ଥାନୀୟ ସ୍ତରରେ ଏହି ନିଲମ୍ବନକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଉଛି। କିଛି ଲୋକ ଏହାକୁ ଦଳର ଶୃଙ୍ଖଳା ରକ୍ଷା ପାଇଁ ଠିକ୍ ପଦକ୍ଷେପ ବୋଲି କହୁଥିବାବେଳେ, ଅନ୍ୟମାନେ ଏହାକୁ ଆନ୍ତରିକ ଗୋଷ୍ଠୀ ସଂଘର୍ଷର ପରିଣାମ ବୋଲି ଆଲୋଚନା କରୁଛନ୍ତି । ଏହି ଘଟଣା ଆଗାମୀ ଦିନରେ ବାଲିଗୁଡ଼ା ଓ ଜିଲ୍ଲା ରାଜନୀତିରେ କିପରି ପ୍ରଭାବ ପକାଇବ, ତାହାକୁ ନେଇ ଚର୍ଚ୍ଚା ଜୋରଦାର ହୋଇଛି ।
